Soeke na die waarheid

[leerling]

Goeienaand aan almal betrokke by Wendag forum,

Ek het baie inligting op hierdie webwerf se forum, en veral met debatte - gekry, wat soos u kan aflei, betrekking het op - op my soeke na die " Waarheid " wat God, die bybel, geloof ens. ens. aanbetref. Daar is net so baie skrywes, en my tyd op die rekenaar is beperk, dat ek nie by al die honderde poste en drade kan uitkom met my leringe nie.

Daarom sal ek dit hoog op prys stel as u geduldig met my baie vrae (as leek) sal wees en my sal help om by die regte poste en drade uit te kom om te kan lees, sodat ek die antwoorde kan vind op al hierdie hoekoms, wat van, maar hoe dan nou en waaroms wat ek het. Die internet het 'n legio van forums en inligting daaroor en glo my, ek het letterlik honderde al besoek en deurgelees. My keuse het op Wendag geval omdat ek hier 'n orde gevind het wat defnitief nie by ander forums is nie en ek stel nie belang in 'n moddergooiery, skoorsoekerigheid of bespotting nie, soos ek al van gelees het op ander "kletshoekies" nie. Ek sal eerlik en opreg wees in my vrae op hierdie forum en sal u eerlikheid waardeer met u terugvoering.

Ek nooi u almal dus hartlik uit om my te help met hierdie soeke na " wat is die waarheid " en groot asseblief u kennis, leringe en sieninge met my te deel. Enige kritiek wat u dan ook mag/sal he, sal ek as opbouende kritiek van u kant af aanneem. Op hierdie stadium weet ek nie wat ek glo, of moet glo nie.

U sal uit my vrae kan aflei waarom ek hierdie stelling maak en vra u as gelowiges, ongeag wat/hoe, in wie - u glo - om asseblief geduld te betoon teenoor my as leerling wat 'n opregte hunkering het na 'n Vader wat ek van nader wil leer ken, soos u Hom elkeen ken.

By voorbaat dank.

Groete en aangename aand.:ahand_sos:

[Stefanus]

Welkom by ons leerling,

Gesels gerus, ons almal is nog in 'n proses om te leer, niemand kan werklik beweer dat hy/sy oor volle kennis beskik nie, en elkeen van ons is nog op reis.

Liefdegroete,
Stefanus

[Die Ou Man]

Leerling.

Welkom en ter beaming van Stefanus se stelling wil ek byvoeg dat geen mens in staat is om 'n "ewige waarheid" te formuleer nie.

Wat ons in gemeen het, is dat ons besef dat ons nóg nie alles weet nie en daarom verder soek en ondersoek.

Ons vertrou dat jy ook verrykend op ons gaan inwerk.

Liefde groete.

Die Ou Man

[leerling]

Baie dankie aan u beide vir die bemoediging. Ek glo en vertrou dat ons as oorwinnaars gaan uittree!

[Vicky]

Leerling, baie welkom hier by ons. Uit die paar poste van jou wat ek tot dusver gelees het, kan ek sien dat ons nog hopelik 'n lang pad in ons soeke saam sal stap!

[leerling]

Baie dankie Vicky. En ja my pad begin nou eers. Ek glo en vertrou dat die pad wat ons volg, ons nader aan die wenstreep gaan bring, in die tyd wat gegun word, in hierdie wedloop. Groete.

[knipmes]

...nader aan die wenstreep gaan bring...

Daar is nie 'n wenstreep nie, Kindjie... wanneer die reis, wat jy neem soos Jesus tereg uitwys soos die wind waai sonder dat jy weet van waar en waarheen, hier jou neem tot die punt waar jy weet dat jy vanuit die Hemele kom, dan besef jy daar was nooit 'n wenstreep nie.... net die besef dat jy reeds gewen het die dag toe ons geskape was, altyd aan die wenkant sal wees selfs in die donkerste donker (wie weet wat wit is as jy nie weet wat swart is nie?) en dat elke dag en elke nag 'n WENDAG is en ewiglik sal wees...

Welkom tuis, Leerling! Ons het jou netso verlang...

groetnis
knipmes

[leerling]

Goeimore, Baie dankie knipmes vir u wyse raad. Ek het verwys na 2Tim. 4v7 waar daar na: ....ek het die wedloop voleindig.... In die verlede tyd geskryf en dit verstaan dat daar ,n wenstreep was en ook dus vir ons, vandag, is - wat elkeen moet - oorgaan/ verbygaan en sodoende - die stryd alreeds gestry -het- en dan as -meer as oorwinnaars- uittree wanneer hy/sy die geloof -behou-. Ek is nog besig met -die stryd stry om my -geloof- te behou. Daarom al hierdie vrae en my opregte soeke (m.b.t. Die bybel wat as my leerboek gebruik word) na Onse Vader wat in die hemel woon. Verw. Matt.6v9 en Matt.6v33. Ek wil ook net soos u met u getuienis, met absolute sekerheid, kan se dat my wedloop ook geen wenstreep gehad het nie, want dit is -vir my- gewen, deur die geloof. Groete en aangename dag.