Openbaring aan my

[Die Vrou]

Openbaring van Adam en Eva

Genesis 2 vers 17 se die skepper vir die mense “Maar van die boom van die kennis van die goed en kwaad, daarvan mag jy nie eet nie; want die dag as jy daarvan eet , sal jy sekerlik sterwe”.
Nou, ons almal weet dit was nie ‘n fisiese boom nie dit was geestelik bedoel.
Die boom is my Vader en die vrug waarvan Eva geëet het is die woorde van my Vader. Daarna het sy die vrug aan Adam geoffer en ook Adam het geëet en versadig geword. Hy het vir hulle ook vertel, net soos vir my wat die waarheid is, en hulle het gesien dat dit geen leun is nie.
Ek vertel aan julle per slot van rekening geen leuns nie. Ek soek ook nie meer veskonings vir alles wat hier verkeerd is nie. Ek sien dit presies soos dit is. Wreed en lelik, wat die waarheid is.
Verder in Genesis 3 vers 5 se die skepper se woorde “maar God(skepper) weet dat as julle daarvan eet, julle oë sal oopgaan, sodat julle soos god sal wees deur goed en kwaad te ken. Vers 6 sê “toe sien die vrou dat die boom goed was om van te eet en dat hy ‘n lus was vir die oë is ja, ‘n boom wat ‘n mens kan begeer om verstand te kry. En sy neem van die vrugte en sy eet en gee ook aan haar man en hy het geëet.
Daarna het altwee se oë oopgegaan en hulle het die kennis gehad van wat goed is en van wat kwaad is.
Presies soos ek vandag, ek kan sien dat dinge nie hier reg is nie. Daar is baie ander wat dit ook kan sien hulle swyg net. Maar dit het tyd geword dat daar nie meer geswyg word nie maar dat ons ons ‘n eenheid sal vorm en saam sal staan en veg vir ons Vryheid.

Groete

Die Vrou…

[knipmes]

Openbaring van Adam en Eva

... Ek soek ook nie meer veskonings vir alles wat hier verkeerd is nie. .... ek kan sien dat dinge nie hier reg is nie. Daar is baie ander wat dit ook kan sien hulle swyg net. Maar dit het tyd geword dat daar nie meer geswyg word nie maar dat ons ons ‘n eenheid sal vorm en saam sal staan en veg vir ons Vryheid.

Groete

Die Vrou…

Die Vrou, naand tog,

Wonderlik om te hoor van edele inborste, maar ek wil graag vra... die "hier" waar dinge nie reg is nie, is dit nou bedoelende hierdie webblad en wat hier gebesig worre...

of is daar eerder na die politiese stelsel verwys waar een sondebok regeerder na die ander manupilasie verwesenlik tot uiteindelike totale anargie waarna maar weer n ander sondebok sal oorneem? Vra maar net?

groetnis
knipmes

[Die Vrou]

Hello daar Knipmes,

Nee ek bedoel nie die webblad nie, dit is dan ‘n deur wat my Pappa vir my oopgemaak het. En ook wil ek noem dat al stem ek nie saam met dinge wat gesê word op Wendag nie ek is nie hier om te oordeel of enigeen sleg te se nie. Ek is hier om almal van my Vader en Sy liefde te vertel. En ook het ek dit goed gedink om aan julle te noem van Sy Openbarings aan my. Nee ek praat beslis nie van Wendag nie. Die mense van Wendag is liefdevol en veroordeel geeneen nie, ook nie vir my nie. Ek lees graag die poste daar kan dalk net iets in wees vir my! Want omdat die taal van die hart partykeer moeilik is om te verstaan is daar partykeer net die regte bewoording wat my help om my Pappa te verstaan. Ek boer eintlik al op Wendag want vir my is my Pappa se dinge belangriker as die wêreldse dinge. Ek wil graag sy plan voleindig sien. Nogtans skeep ek nie my gesin af nie ek maak tyd vir alles. Ek wil jou vertel dat my Vader my gewys het dat groot dinge vanaf Wendag of gaan uitspruit soos riviere en almal wat dors het sal kom drink.(geestelik bedoel nou).
Ook stel ek persoonlik niks in die politieke sake belang nie. HOEKOM? Want, vandat daar ‘n regering stelsel en politiek aan bewind gekom is daar net onmin en twis tussen my Pappa se kinders. Uit dit uit spruit baie slegte dinge. Ja, hulle manipuleer baie mense, en bedrog en leuns speel beslis ‘n groot rol, sal nie eers van al die ander slegte dinge praat nie. Maar deur al daardie dinge kry my Pappa se kinders baie seer. Hulle word beledig, verneder en ja ook gemartel en doodgemaak deur daardie dinge. Nog ‘n ding is oorloë is ook afkomend van politiek af. Die satan sweep al die nasies teen mekaar op. Maak hulle woedend kwaad vir mekaar. En dus wat dan plaasvind is baie slegte nagevolge. Hulle kan dan nie ‘n eenheid vorm soos wat dit moet wees in die laaste tye van die aarde nie. Want as almal van opinie gaan verskil, waar is die eenheid dan? Die eenheid gaan beslis ‘n groot rol in ons verlossing speel, ons sal moet saam staan. Ons sal almal ons verskille moet uitsorteer en saamstaan in die LIEFDE!
Nou, om jou te verduidelik van wat ek eintlik bedoel is! Ek praat eintlik van die skepping en hoe alles nou hier inmekaarpas. En ook die wreedheid daarvan. Bedoelende dat die een van die ander af moet leef. Almal bedank die skepper vir hulle voedsel, maar wat van die een wat moet doodgaan terwille van jou lewe of my lewe. Gaan uit in die skepping Knipmes en hou dit fyn dop! Gaan na plekke waar geen mens is om dit te vergerger nie. En sien ook die wreedheid daar raak. Party lewende wesens word sommer lewendig geëet. En nog ‘n ding is dat daar ook selfs tussen die diere en insekte argument kan voorkom, daarom dat ek sê hulle verskil nie van ons nie. Hulle het ook ‘n hart. Daar kan ook goed en kwaad in hulle harte wees. Het jy ook geweet dat plante mekaar ook dood kan maak. My swaar het my eendag vertel van die een plant wat sy wortel in een van sy jong bome in laat groei het en uiteindelik daardie boom so doodgemaak. Hy het letterlik al die boom sappe met sy wortels uit hom uitgesuig. Hy het moord gepleeg. Dit gebeur by mense en diere en plante, hulle maak mekaar vir die een of ander rede dood.
Nog iets wat ek kan sê is dat die skepper met die reënboog ‘n belofte gemaak het en toe gesê het dat hy sal nooit weer die aarde oorspoel van water en alles hier verdrink nie. Maar nou doen hy dit net plek-plek. Hier verdroog hy als wat leef en daar op ‘n ander deel van die aarde verdrink hy weer alles wat leef. Ons moet heeldag loop en smeek om genade omdat ons nie vir hom luister nie. Nee wat, dit is nie vir my nie. Ek het genoeg gesmeek en gesoebat.
Weet jy, as ek my Pappa iets vra antwoord hy my dadelik. Ek hoef net te vra en Hy voorsien dit wat ek nodig het.
Hy oorweldig my met Sy liefde sonder grense. Geestelik versorg Hy my beter as wat die skepper ooit kon. Die skepper gee net vleeslike dinge en plaas hopeloos te veel laste op ons almal hier se skouers.

Groete

Die Vrou

[knipmes]

Hello daar Knipmes,

Nee ek bedoel nie die webblad nie, dit is dan ‘n deur wat my Pappa vir my oopgemaak het...


Die Vrou

Dankie hiervoor, ja inderdaad is ons in wese eens dat hierdie webblad in vele rigtings nog duidelike spore in die Heelal gaan trap, en reeds het!

Voorwaar is elkeen hier welkom, met die enigste reel slegs opregte respek teenoor alle wesens, gedagtes en spreuke. As jy nie van vleis hou nie, dan eet jy blare, maak dit nou van jou 'n bok, of 'n leeu? Dit hang af van wie belangstel, want al dink party ek is 'n leeu, eet ek my vleis met so 'n passievolle genot, 'n ander sou sweer dis slaai wat ek eet... daarom is alle vleissoorte en alle slaaisoorte hier welkom, want daar is plek op die bord vir beide, maak nie saak waar die braai is nie... en dit word al hoe warmer....

groetnis
knipmes

[knipmes]

Hello daar Knipmes,

... Weet jy, as ek my Pappa iets vra antwoord hy my dadelik. Ek hoef net te vra en Hy voorsien dit wat ek nodig het.
Hy oorweldig my met Sy liefde sonder grense. Geestelik versorg Hy my beter as wat die skepper ooit kon. Die skepper gee net vleeslike dinge en plaas hopeloos te veel laste op ons almal hier se skouers.

Groete

Die Vrou

Die Vrou,

Mensie, ek wil graag net een ding uitwys wat vir my soos 'n riem onder die hart is, en dis dat daar onteenseglike bewyse bestaan dat die Hemele daarbo en inderdaad die Heelal daaronder vol wesens is wat suiwer in 'n pikorde sisteem opereer, veel hoër as ons as mensekinders in rang, volgens die verordeninge soos uitgele deur ons Liefdevolle Wyse God Die Vader.

Daar moet nie uit die oog verloor word dat hierdie planeet se skepping die uitsluitlike taak was van een van die seuns van God genaamd Yehvah (nie Yahweh ! Dis 'n ander..) wat deur Die Allerhoogste (Vader Ad-am) aan Hom toegewys was om te verrig. Hierdie taak sluit in die natuur omvou deur die evolusie wat plante, diere en alle ander vorme van lewe omsluit. Die God Yehvah is die Skepper van die planeet en al haar wonderlike (tog wrede) lewende wesens. Die Skepper van die menslike liggaam is uitsluitlik die werk van die duiwel, soos dit hoort, want dit bring my by jou gedagte hierbo... so wees versigtig om die "skepper" te na te kom...

Die reis vorentoe in die nabye toekoms van een leeftyd gaan eweneens grusaam en wreed,tog uiteindelik wonderlik wees vir die van ons wat die verganklike dinge gaan oorleef in fisiese vorm. As oorlewendes wat dan as vaandeldraers die nuwe Millenium van Die Waterdraer sal ingaan om die planeet weer te omskep in die Paradys wat dit veronderstel is om te wees, vir God Die Moeder en ons almal... voorwaar iets om na uit te sien...

Ongeag die hartseer en verdriet wat voorlê vir ons, dis waar dat dinge nie meer so kan aangaan nie, dis waar dat wat opgaan, moet afkom... wees verseker, elkeen wat vir diens aangemeld het by die grondlegging in die skrywe van Die Boek, sal wel aanmeld op hul tyd en plek soos deur Die Allerhoogste bepaal, en elkeen sal daardie bydrae lewer soos voorsien deur ons Goddelike Ouers in die Hoogste Hemele onder toesig van Ons VaderKoning Ad-am en MoederKoning Ev-am. Kom kyk in my oe'e en jy sal sien beide 'n glimlag oor dit wat voorle, tog 'n diepe bedroeftheid oor dit wat daartussen ook nog voorle!!

Wees net sterk en om Hemelsnaam, onderskei tussen aardse godsdiens en diepe Geloof....

groete
knipmes

[Die Vrou]

Hello daar weer Knipmes,

Ek bedank jou vir die waarskuwing wat eg is! Ek besef dat hy my agtervolg, ja, ek kan hom gewaar oral waar ek gaan.

Ja aan my is geopenbaar die smart wat wag vir Suid-Afrika dit gaan ook later oorgaan na die hele kontinent. Want sien die Afrika kontinent gaan dieselfde rol speel as Atlantis. Die skepper het hom laat verdwyn en hy wil ook nou die waarheid wat uit die Suidelike deel van Afrika gaan openbaar word laat vernietig.

Nogtans moet ek jou net sê dat die skepper wat die mens gemaak het ook die aarde geskep het met al die wesens daarop.

Die ding is ek weet ek praat die waarheid maar ek kan nie vir julle die vleeslike bewyse gee nie, dit is deur my Pappa aan my verduidelik.

Groete

Die Vrou

[Die Vrou]

"Wees net sterk en om Hemelsnaam, onderskei tussen aardse godsdiens en diepe Geloof...."



Knipmes deel my mee wat jy met die woorde hierbo bedoel asb!

Die Vrou

[Die Vrou]

Knipmes!

Net een laaste dingetjie, ek neem in wat jy sê maar ek reageer net op wat my Pappa aan my toon in my hart!

Groete

Die Vrou

[knipmes]

Die Vrou,

Ons gaan akkoord met die feit dat elkeen wat "luister" en nie net hoor nie, en "sien" en nie net kyk nie, sonder twyfel 'n skakel met die onsiende deel van ons het, wat uit ware geloof gelei en beleef worre, anders as diegene wat aardse godsdiens self as goddelik ervaar en daardeur gelei (mislei?) word, soos tereg geskrywe staan dat vanuit alle hoeke van die aarde sal aanbid word op die bree weg... Hoe gouer elkeen die verskil tussen die twee "sien" en "luister" na die ontwakende oproep van binne, hoe gouer die deure wat open na die klein smal weg tot herkoms. Jesus seg mos tereg: "Gees is Gees, en vlees is vlees, die wind waai, jy weet nie vanwaar of waarheen nie, netso is die Gees... jy weet nie vanwaar jy kom nie, en ook nie waarheen jy gaan nie, weet wel, dat jy gaan!"

Die woorde was nie gemik op u self nie, Die Vrou, maar op alle lesers wat dalkies hier kom lees... ek aanbid nie die Bybel of enige menslike kerk nie, dos ek seg maar net!

Ek kom van Die Hemele af, is hier op diens van bo, gaan weer terug as ek klaar is, daar is niks maar niks wat dit kan verander nie... Vaandeldraers van die nuwe millenium kan sien hoe dinge agteruit gaan om uiteindelik weer vorentoe reg te kan kom, wees sterk in die wete dat ons nie alleen is nie...

groetnis
knipmes

[knipmes]

Bokkie, ek is glad nie belangrik nie!

Knipmes!

Net een laaste dingetjie, ek neem in wat jy sê maar ek reageer net op wat my Pappa aan my toon in my hart!

Groete

Die Vrou

En ook moet dit so wees, want ons word elkeen afsonderlik mee gepraat... watter vader sal vir Sy kind 'n klip gee, as hy Hom om brood vra? Net soos in die Hemele, luister ek na al my kinders gesamentlik en ook afsonderlik, net soos dit in Die Hemele gedoen word, daar waar ek so geleer was om dit hier te kom navolg... doen jy nie maar dieselfde nie, ons kan leer van mekaar, maar ons geloof kom uit in 'n "gut feeling" gevoel op die krop van die maag of diep in die hart van harte, dit verskil van mens tot mens, tog is dit dieselfde vir ons almal...

groetnis
knipmes