Jahweh se Status Vervals

[Die Ou Man]

Muntstuk met Jahweh op gevleuelde wiel.

Die God van Abraham se naam is JHWH (Tetragrammaton), deesdae in die omgang bekend as Jahweh die jaloerse god. In die Staten Bijbel van Andries Pretorius word sy naam in 'n voetnota aangedui as IEHOVAH. In die 1933 vertaling word die naam JHWH vertaal as "HERE".

Ingevolge die laaste aanpassings aan die Joodse mitologie (Tenakh/Ou Testament) in Babilon, is Jahweh die skepper van die heelal.

Die vraag ontstaan egter hoe dit moontlik is dat Jahweh gegroei het van 'n antromorfe, nie-alwetende, nie-alwyse god wat Adam en Eva in die Tuin loop en soek en verskeie oordeelsfoute begaan het, tot skepper van hemel en aarde.

Die antwoord is opgesluit in die Lied van Moses en verskeie ander vervalsings in die Bybel.

[Die Ou Man]

Kuntillet`Ajrud, Sinai Caravansarai, ca. first half of 8th centry BCE. Drawing of Yahweh of Samaria and his Asherah on a pottery shard (Pithos A). Inscription in Hebrew reads "Thus says...Say to Yehalle[lel], Yo`asa and...I bless you (herewith- or: have blessed you) to/before Yahweh of Samaria and his asherah." Note the portion of bridled horse to the left of the figures (pp.225-6, "Baal, El, Yahweh, and 'His Asherah',"

Met die 1983 vertaling van die Bybel het die vertalers die leser se vermoë om die naam JHWH/Jahweh (HERE) uit te ken doelbewus tot niet gemaak.

Joshua 7:7 uit die 1933 vertaling bied ’n praktiese voorbeeld waar die naam HERE (Jahweh) naas die titel Here gebruik word. Let daarop dat die naam volledig in hoofletters gespel word.

En Josua het gesê: Ag, Here HERE, waarom het U hierdie volk ooit deur die Jordaan laat trek (Joshua 7:7)

In die 1983 vertaling van dieselfde vers, is die naam HERE (Jahweh) bloot weggelaat en slegs die titel Here bly staan.

Daarna het Josua gesê: “Ag, Here, waarom het U eintlik hierdie volk oor die Jordaan gebring? (Joshua 7:7)

Reg deur die 1983 Afrikaanse vertaling van die Bybel is die naam van Jahweh, wat voorheen aangedui is as HERE, verander na die titel Here. Daardeur is die leser nie meer in staat om te onderskei tussen die gode van die Ou Testament of om die status van Jahweh in die hiërargie van gode te bepaal nie.

Hierdie argument kan getoets word by Soek/Vergelyk : Die Bybel deur te wissel tussen die 1953 en 1983 vertalings.

Terloops, die term Here HERE kom 296 keer in die 1933 vertaling voor en nie een keer in die 1983 vertaling nie.

[Die Ou Man]

Die volgende aanhaling kom uit die Lied van Moses (Deuteronómium 32) soos vervat in die 1983 vertaling en lê die basis vir die persoonlike verhouding tussen Jahweh en die Israeliete.

8 Toe die Allerhoogste vir die nasies hulle besittings gegee het, toe Hy die mense in volke opgedeel het, het Hy vir hulle hulle grense bepaal, soveel as wat daar Israeliete is.

9 Hulle is die Here se volk, sy deel, Jakob is die Here se vaste eiendom.

Die 1983 weergawe poog om die in druk te skep dat die Allerhoogste en die Here dieselfde entiteit is.

As ons op die spoor terugloop, verander die prentjie. Die volgende is die weergawe uit die 1933 vertaling.

8 Toe die Allerhoogste aan die nasies ’n erfdeel gegee het, toe Hy die mensekinders van mekaar geskei het, het Hy die grense van die volke vasgestel volgens die getal van die kinders van Israel.

9 Want die HERE se deel is sy volk, Jakob is sy afgemete erfdeel.

In die 1933 weergawe deel die Allerhoogste die nasies uit en die HERE (Jahweh) ontvang slegs 'n afgemete deel. Die HERE (Jahweh) is dus ondergeskik aan die Allerhoogste.

[Die Ou Man]

Verder terug op die spoor lei ons na die vertaling van die Ou Testament na Grieks teen 300 vC, naamlik die Septuagint / LXX.

When the Most High gave to the nations their inheritance, when he separated the sons of men, he fixed the bounds of the peoples according to the number of the sons of God.

For the LORD's portion is his people, Jacob his allotted inheritance.

Die LXX weergawe dui aan dat die Allerhoogste (El) die volke tussen sy seuns verdeel het. Jahweh se porsie was die Israeliete.

[Die Ou Man]

Die Dooie See-rolle is 'n versameling van ongeveer 900 dokumente, insluitende geskrifte van die Hebreeuse Bybel, wat tussen 1947 en 1956 in elf grotte in en rondom Wadi Qumran naby die murasies van die antieke nedersetting van Khirbet Qumran, op die noordwestelike kus van die Dooie See, ontdek is.

Die geskrifte is van groot religieuse en historiese belang, aangesien hulle van die enigste bekende oorblywende kopieë van Bybelse dokumente insluit wat voor 100 v.C. geskryf is en hulle bewyse bevat van die diversiteit van geloof en praktyk in die destydse Tweede Tempelse Judaïsme. Bron.

Die Dooie See-rolle (fragment 4QDeutj) het aan die lig gebring dat die oudste Hebreeuse weergawe van Deuteronómium 32:8 en 9 soos volg lui:

"When El Elyon gave to the nations their inheritance, when he separated the sons of men, he fixed the bounds of the peoples according to the number of the sons of El.

For Yahweh's portion is his people, Jacob his allotted inheritance."

Vergelyk hierdie weergawe met die vervalsing in die 1983 weergawe (pos #3) en dit is duidelik dat daar 'n bewuste poging van priesters en vertalers was om Jahweh se mindere status as een van die sewentig seuns van El te verbloem en om hom (Jahweh) valslik as Skepper God voor te hou.

Jahweh het saam met sy broers in die ry gestaan om ’n volk van hul Vader, El te ontvang.

Jahweh se aanstelling geld slegs ten opsigte van die Israeliete.

[Die Ou Man]

Die ontdekking van kleitablette in die antieke hawestad, Ugarit het meer lig op die Ou Testament gewerp juis omdat baie van die mitologie en geskiedenis daarin vervat, teruggespoor kan word na Ugarit. Bron

Die volgende verwysing na Jahweh is in teks KTU 1.1 IV 14 van Ugarit aangeteken:

“The name of the son of god, Yahweh.”

Sien Ugarit and the Bible

Die volgende is 'n uittreksel uit 'n artikel getiteld: "Yahweh."

In the earliest stage Yahweh was one of the seventy children of El, each of whom was the patron deity of one of the seventy nations. This is illustrated by the Dead Sea Scrolls and Septuagint texts of Deuteronomy 32:8-9, in which El, as the head of the divine assembly, gives each member of the divine family a nation of his own, "according to the number of the divine sons": Israel is the portion of Yahweh.

The later Masoretic text, evidently uncomfortable with the polytheism expressed by the phrase, altered it to "according to the number of the children of Israel"

Between the eighth to the sixth centuries El became identified with Yahweh, Yahweh-El became the husband of the goddess Asherah, and the other gods and the divine messengers gradually became mere expressions of Yahweh's power.

Bron

[Die Ou Man]

A photo of Psalms 119:59-64 in the Dead Sea Scrolls which are a collection of Hebrew Scriptures that date back over 2000 years. Note Yahweh's Name, indicated by the arrow, in the ancient Hebrew script while the rest of the text is in more modern Hebrew used at that time.

Die volgende Psalm is 'n voorbeeld van die redigering aan die oorspronklike geskrifte met die doel om El (God) en Jahweh (HERE) te amalgameer. Psalm 53 is die oorspronklike weergawe.

Psalm 53	Psalm 14
1 VIR die musiekleier; opdie wysie van: "Máhalat." 'n Onderwysing van Dawid. (53:2) Die dwaas sê in sy hart: Daar is geen God nie! Hulle het sleg gehandel en hul onreg afskuwelik gemaak; daar is niemand wat goed doen nie.	1 VIR die musiekleier.'n Psalm van Dawid. Die dwaas sê in sy hart: Daar is geen God nie. Sleg, afskuwelik maak hulle hul dade; daar is niemand wat goed doen nie.
2 God het uit die hemel neergesien op die mensekinders om te sien of daar iemand verstandig is, wat na God vra.	2 Die HERE het uit die hemel neergesien op die mensekinders, om te sien of daar iemand verstandig is, wat na God vra.
3 Hulle het almal afgewyk, tesame het hulle ontaard; daar is niemand wat goed doen nie, ook nie een nie.	3 Hulle het almal afgewyk, tesame het hulle ontaard; daar is niemand wat goed doen, ook nie een nie.
4 Het die werkers van ongeregtigheid dan geen kennis nie, wat my volk opeet asof hulle brood eet? Hulle roep God nie aan nie.	4 Het al die werkers van ongeregtigheid dan geen kennis nie, die wat my volk opeet asof hulle brood eet? Hulle roep die HERE nie aan nie.
5 Dáár het skrik hulle oorweldig sonder dat daar skrik was; want God het die beendere verstrooi van hom wat jou beleër het; jy het hulle beskaamd gemaak, want God het hulle verwerp.	5 Dáár het skrik hulle oorweldig, want God is by die regverdige geslag. 6 Die raad van die ellendige -- julle kan dit tot skande maak; waarlik, die HERE is sy toevlug.
6 Ag, mag die verlossing van Israel uit Sion kom! As God die lot van sy volk verander, dan sal Jakob juig, Israel sal bly wees.	7 Ag, mag die verlossing van Israel uit Sion kom! As die HERE die lot van sy volk verander, dan sal Jakob juig, Israel sal bly wees

Die naam van God is vier keer in hierdie kort Psalm verander na HERE.

[Die Ou Man]

Jahweh is alom bekend as die jaloerse god. Dit is op grond van sy eie getuienis in sy Tenakh. Hy stel dit soos volg in sy Kultiese Dekaloog (Exodus 34:10-28).

Want jy mag jou nie neerbuig voor 'n ander god nie; want die HERE se Naam is Jaloers-'n jaloerse God is Hy.

Jahweh se Etiese Dekaloog word ook elkere Sondag tot vervelens toe aan onskuldige mense afgestamel. Dit is die gedeelte waar hy ongebore kinders in geslagte wat nog moet kom, dreig met sy wraakgierigheid. (Exodus 20:1-17)

Jy mag jou voor hulle nie neerbuig en hulle nie dien nie; want Ek, die HERE jou God, is ’n jaloerse God wat die misdaad van die vaders besoek aan die kinders, aan die derde en aan die vierde geslag van die wat My haat

Jahweh se jaloesie-probleem het te make met sy mindere status in die goddelike hiërargie van die Kanaänitiese panteon. Hy is jaloers op sy vader El, sy moeder Asherah en sy broers, Baäl, Dagon, Chemosh, Qaus, Mot en ander. (Jahweh is een van sewentig seuns van El)

Ingevolge die beginsels van die Nuwe Testament is jaloesie een van die vleeslike eienskappe wat nie geskik is vir die koninkryk van God nie.

19 En die werke van die vlees is openbaar, naamlik owerspel, hoerery, onreinheid, ongebondenheid;

20 afgodery, towery, vyandskap, twis, jaloersheid, toornigheid, naywer, tweedrag, partyskap;

21 afguns, moord, dronkenskap, brassery en dergelike dinge, waarvan ek julle vooraf sê, soos ek al vroeër gesê het, dat die wat sulke dinge doen, die koninkryk van God nie sal beërwe nie. (Galasiërs 5)

Waarom is Jahweh jaloers op ander gode? Is hy dan nie die enigste god nie? Jahweh se jaloesie-probleem bevestig die feit dat hy in die bestaan van ander gode glo. Hy kan immers nie jaloers wees op gode wat nie bestaan nie.

Jaloesie dui egter op 'n staat van onsekerheid en minderwaardigheid. Hierdie kompleks lei juis daartoe dat andere met agterdog bejeën word.

Jahweh se jaloesie hou sekere gevolge in vir sy Israeliete. Hul onskuldige en ongebore nageslag is 'n eeu later nog strafbaar vir die foute van hul voorvaders.

[Die Ou Man]

'n Skematiese voorstelling wat Jahweh se status in die hiërargie van die Kanaänitiese panteon aandui.

[Die Ou Man]

'n Skematiese voorstelling wat aandui hoe Jahweh se status in die hiërargie van die Kanaänitiese panteon deur redigering van die skrifte kunsmatig verhef is van stamgod tot 'n hoër god.