Boere en Bygeloof

[Die Ou Man]

Daar bestaan 'n algemene wanbegrip onder die Afrikanervolk dat magie, alternatiewe en aanvullende medikasie en waarsêery volksvreemd is. Dit is gelukkig nie die geval nie. Die Afrikaner het van kindsbeen af as 'n magiese nasie grootgeword. Goëlery, goëlwoorde, beswerings, kruie medikasie, spoke, duiwels, sieners, is net so eg Afrikaans soos boeremusiek, boerewors en biltong.
Op 'n stadium in die geskiedenis van die Boerevolk was daar eintlik min verskil tussen geloof en bygeloof.

Calvinisme, en self Christindom in die algemeen, het nie 'n sentrale rol in die lewe van die Voortrekkers en die vroeë Afrikaner gespeel nie, en dit was eers met die aanbreek van die tweede Anglo-Boere oorlog, en die volksmoord deur die Britte, dat Calvinisme 'n houvas op die Afrikaner gekry het.

Die Amerikaanse sendeling Daniel Lindley, het die Boere in 'n brief (geskryf op 17 Julie 1839) beskryf as “heidene” wat tot bekering moet kom. Verder beskryf hy die Boere as uiters bygelowig, mense wat in voortekens glo, en wat van volkegeneeskunde gebruik maak. Hy noem die geval waar Boere voorgestel het dat hy 'n seer tand lans en die bloed in 'n boom inent, dit sou die pyn laat verdwyn.

Olive Schreiner, dogter van 'n sendeling, wat wêreld beroemdheid verwerf het met haar boek “The Story of an African Farm”, het in 1892 'n artikel geskryf oor die sielkunde van die Boer. Daarin kom dit duidelik na vore dat die Afrikaner staat gemaak het op volksgeneeskunde, geloofsgenesing en simpatetiese magie.

Een van die oorspronklike Afrikaner kure teen 'n besering was om 'n boerbok te slag, die maag te verwyder en oop te sny. Die beseerde ledemaat is dan in die warm maag vir 'n paar minute gedruk.
'n Ander beproefde kuur was vir griep. 'n Skaap is geslag en die warm vel is op die sieke se bors geplaas.

Kruie is ook gerol en gerook, ander kruie is weer op 'n oop vuur gegooi en die rook is dan ingeasem as 'n teëvoeter vir 'n benoude bors, longontsteking of asma.

Simpatetiese magie is ook gebruik in sekere gevalle. 'n Boompie sou netjies in twee gekloof word. Daarna is die twee helftes oopgeforseer. Die sieke sou dan tussen die gesplete boom stap, waarna die boompie gespalk sou word. Indien die boompie herstel, is geglo dat die pasiënt ook sou herstel.
Toordery, heksery en goëlery onder Afrikaners is selfs in die laat negentiende en vroeë twintigste eeu in kerkrekords aangeteken. In 1910 en 1911 het die sinode van die Hervormde Kerk in die Vrystaat goëlery onder die Afrikaners bespreek, so ook glo ander sinodes.

Maar die mees algemene vorm van tradisionele geloof (of bygeloof) onder die Afrikaner volk is die aanvaring van mense wat met die helm gebore is - sieners. Die bekendste Afrikaner profeet was sonder enige twyfel Siener van Rensburg.

Spoke en geeste, en hul beswering, water-, lug- en aardgeeste was ook nie juis baie vreemde wesens vir die vroeër Afrikaner nie.

Artikel deu Magiese Boer.

[Die Ou Man]

'n Paar bekende Boere bygelowe.

*Sewe jaar se ongeluk as jy 'n spieël laat breek.

*Jy roep die dood as jy 'n sambreel in die huis oopmaak.

*Moenie onder 'n staande leer verby loop. Dit bring ongeluk en tweespalt.

*Raak aan 'n stuk hout as jy positiewe opmerking maak.

*Swart kat oor die pad sien stap, beteken onheil.

*13 is 'n ongelukkige nommer (abnormale vrees vir die 13de: triskaidekaphobia.)

* 7 is 'n gelukkige nommer.

*As 'n jong meisie bo op 'n tafel sit, gaan sy nie 'n man kry nie.

*As 'n mes of vadoek val, gaan daar gaste kom kuier.

* 'n By in die huis beteken dat kuiermense op pad is.

*As die uil op jou dak kom sit en roep, gaan iemand sterf.

*As die wolke 'n sekere formaat aanneem, voorspel dit ook onheil of dood.

*Gooi 'n knippie sout oor jou skouer as sout gemors is.

*Moet nooit vir iemand 'n knipmes as geskenk gee nie.

*As die weerlig en donderweer slaan, moet jy 'n kombers oor die spieël gooi.

* Slegte dinge gebeur in drieë.

* Kap 'n pennie op jou drumpel vas om bose geeste uit te hou.

* Hang varkspek in jou huis om bose geeste uit te hou.

* Kap 'n perdeskoen aan jou kosyn vas met die oopkant na bo, vir geluk.

* Mayflower in die huis bring die dood.

* Ossewaens op die Groot Trek is aan die binnekant blou geverf om bose geeste uit te hou.

* 'n Bruidegom mag nie die bruid in haar trourok voor die troue sien nie.

* tel die aantal vratjies op jou liggaam. Sit soveel klippies in 'n twaksak en gooi dit oor jou skouer sonder om te kyk waar dit val. Die vratte sal dan verdwyn.

* Sny 'n vrat en ent die bloed in 'n keep wat uit 'n aartappel gesny is. Plant die aartappel en die vratte sal verdwyn wanneer dit opkom

[Silencio]

eish, ek het al baie spieëls gebreek, geen wonder ek het al die ongeluk nie, lol, ek het al sambrele in die huis oopgemaak, baie op tafels gesit, en 'n paar ander weird goed, maar ek leef darem nog, elke bygeloof moet 'n oorsprong hê, miskien moet ons gaan navors waar die bygeloof vandaan kom eerder as om dit net goedmoeds te aanvaar,

Groetnis
Silencio

[knipmes]

Vrydag die 13de laasweek was onsettend gewees! Ek kon die heeldag nie 'n oog toemaak nie! Was te bang iets gebeur en dan sien ekke dit nie kom nie! Gelokkag ve my was ou Jonas by.... eish!

















groetnis
knipmes

[Die Ou Man]

Die grootste en mees suksesvolle bygeloof van alle tye laat die bostaande in die skadu staan.

Wat sou dit wees?

[Die Ou Man]

Afrikaners beoefen ’n mitologiese godsdiens

deur Danie Booyens van Pretoria skryf

2011-06-17

Navorsing van Solidariteit Helpende Hand, soos in die artikel van Danie Langner oor die verbrokkeling van die Afrikaanse gesin (Beeld, 16 Junie), bewys die agteruitgang wat Afrikaners tans op morele terrein beleef.

Die artikel verwys na die navorsing wat dui dat daar vraagtekens is oor die praktiese toepassing van geloof.

My navorsing toon dat Afrikaners ’n soort mitologiese godsdiens beoefen.

Teoreties is God en die kerk daar, maar die predikant speel die rol van ’n aardse messias, veral in politiek, wat die gevolg het dat alles wat hy sê as die waarheid aanvaar word.

Apartheid was in God se oë verkeerd en inklusiwiteit is reg. Of Suid-Afrika nou ten gronde gaan of nie. Eenheid is wat God wil hê en Afrikaners glo dit, ondanks wat om hulle plaasvind.

Uit Beeld

[knipmes]

Die grootste en mees suksesvolle bygeloof van alle tye laat die bostaande in die skadu staan.

Wat sou dit wees?

EN???






groetnis
knipmes

[Die Ou Man]

Haal die "bel" uit bybelgelowigheid en jy kry die ware betekenis daarvan.