PDA

View Full Version : Spioene Jaag Spoke



Die Ou Man
22nd November 2008, 09:17
Sangomas ‘dryf geeste uit’

Nov 21 2008 09:29:47:430PM - (SA)

Daniel Maluleke


Beamptes van die Nasionale Intelligensie-agentskap (NIA) het gister die hulp van sangomas ingeroep om geeste op hul terrein te kom verdryf.

Beeld het verneem altesame 21 tradisionele genesers het die “reinigingseremonie” (om die geeste te verdryf van mense wat 60 jaar gelede op die terrein begrawe is) buite Pretoria bygewoon.

Beeld het, voordat hy verbied is om oor die verrigtinge te berig, gesien ’n groot wit markiestent is naby die kantoorgeboue opgeslaan.

Van die mense teenwoordig was besig om umqombothi (’n Afrika-bier) voor te berei, terwyl ’n bok wat glo as ’n offerande gebruik sou word, naby die tent vasgemaak is.

Die sangomas se luide stemme en tromme kon van ver af gehoor word. Niemand behalwe ’n uitverkore groepie mense is toegelaat nie. Veiligheidswagte het Beeld toe beveel om die terrein te verlaat.

Volgens ’n betroubare bron is ’n bees, ’n skaap en twee bokke tydens die twee dae lange seremonie geslag.

Van die inwoners in die omgewing sowel as NIA-werknemers het hul bedenkinge oor die verrigtinge uitgespreek.

Me. Lorna Daniels, woordvoerder van die NIA, het gesê die seremonie is net ’n viering van “Erfenisdag” wat hulle weens “onvoorsiene omstandighede” nie in September kon vier nie. “Dis ’n simboliese geleentheid en ons het die plek gekies omdat daar grafte is wat nie verklaarbaar is nie.”

Beeld (http://www.news24.com/Beeld/Suid-Afrika/0,,3-975_2430718,00.html)