PDA

View Full Version : Die kerk is nie 'n debatvereniging nie



Die Ou Man
14th October 2009, 07:50
Die kerk is nie ’n debatvereniging nie


deur Ds. Gawie Wolmarans

Die Afrikaanse kerke en gelowiges is al te lank onderwerp aan beledigings en kleinering in die openbaar.

By die Engelse geloofsgemeenskap kry ’n mens dit nie.

Vir gelowiges is die Bybel God se openbaring en die enigste kernbron van sy geloof. Die kernboodskap van die evangelie is: Die werklikheid van ons Hemelse Vader, die werklikheid van die Ewige Lewe, die werklikheid van reg en verkeerd, die werklikheid van God se liefde en genade, regverdigheid én oordeel, die werklikheid van Jesus as die fisiese Seun van God, gebore uit die maagd Maria, wat gekruisig is en weer lewend geword het.

Dit is deel van die kerk se belydenis bykans 2000 jaar lank.

Wie nie hiermee kan of wil saamgaan nie, het géén geboortereg om in die (Afrikaanse) kerke aan te bly en verdeeldheid te veroorsaak nie.

Eerder as om te skuil agter intellektuele of akademiese integriteit of om die kerk bang te maak met die post-moderne mens...kry vir jou ’n seepkissie op ’n ander plek.

Wanneer jy jou ongeloof in die openbaar uitbasuin, het jy lankal nie meer ’n geloofsworsteling nie: Jy het rééds gekies om ongelowig te wees.

Die kerk is nie ’n debatvereniging nie, maar ’n geloofstuiste vir mense wat naby God wil leef. Gun dan hierdie geloofsruimte vir gelowiges.

Uit Beeld (http://www.beeld.com/Content/MyBeeld/Briewe/1976/8667d370b036493cb75857035887b0d8/07-10-2009-07-15/Die_kerk_is_nie_%E2%80%99n_debatvereniging_nie_) dd 2009-10-07

Die Ou Man
14th October 2009, 08:04
Eerder as om te skuil agter intellektuele of akademiese integriteit of om die kerk bang te maak met die post-moderne mens...kry vir jou ’n seepkissie op ’n ander plek.

Gawie Wolmarans se mond is groot vir 'n skepsel wat Sondae namens 'n kerk optree wat bely het dat hulle hul onskuldige lidmate vir 40 jaar mislei het, deur 'n sondige ideologie aan hulle te verkondig.

Daardie selferkende misleiding is juis vanaf die kerklike seepkissie gepredik.

Dit is hoog tyd dat die kerk en al sy doktrines vreesloos onder die vergrootglas geplaas word.

Te lank was dit eenrigting verkeer vanaf die preekstoel na die gemeente.

Die preekstoel sal moet antwoord, ou Gawie.

Manwë
27th October 2009, 05:21
Vir gelowiges is die Bybel God se openbaring en die enigste kernbron van sy geloof.

Wie nie hiermee kan of wil saamgaan nie, het géén geboortereg om in die (Afrikaanse) kerke aan te bly en verdeeldheid te veroorsaak nie.



Dis nou tipiese gesplete tong spraak. Gawie stel sy eie aangeleerde geloofsoordele as voorwaarde vir alle gelowiges en ongelukkig sal slaafse navolgers van die tipe boekverstokte godsdiens alles wat hy kwytraak glo.

My eie geloofsoortuigings of dan eerder wereldbeskouing kan geheel onafhanklik van die Bybel of enige ander boeke staande bly maar word nogtans onderskraag deur meeste van die skrywers in die versameling boeke wat die kernbron van Gawie se geloof is. Neem sy boeke van hom af weg en sy geloof beteken ziltsh. Ek dink dit is tragies maar nou ja, Gawie en kie sal seker ook dink my standpunt is tragies. Die boek en die kerk het nou sommer God self geword in die mense se lewens.

Gelukkig behoort nie ek of God aan enige kerk nie.

knipmes
31st October 2009, 19:41
Gelukkig behoort nie ek of God aan enige kerk nie.

...praat Jy!!

groetnis
knipmes

kobus
7th April 2012, 17:11
Gawie Wolmarans se mond is groot vir 'n skepsel wat Sondae namens 'n kerk optree wat bely het dat hulle hul onskuldige lidmate vir 40 jaar mislei het, deur 'n sondige ideologie aan hulle te verkondig.

Daardie selferkende misleiding is juis vanaf die kerklike seepkissie gepredik.

Dit is hoog tyd dat die kerk en al sy doktrines vreesloos onder die vergrootglas geplaas word.

Te lank was dit eenrigting verkeer vanaf die preekstoel na die gemeente.

Die preekstoel sal moet antwoord, ou Gawie.

Hulle is so gewoond om van die kansel alles te sê wat hulle wil en niemand mag daar antwoord of iets terug praat nie dat hulle eiewaan gekrenk word as iemand durf om hom aan te vat want die rakkertjies is mos nie daaraan gewoond om in die bek geruk te word nie. Ek dink hulle sukkel om hulself so te verlaag om in 'n debat betrokke te raak. In ons vorige lewe (as kerkmense) is my vrou by geleentheid versoek om die kerkraads vergadering te verlaat want hoogere dominee het gereken sy temteer hom toe sy hom teregwys op 'n verkeerde aanhaling uit die Bybel. Sy het later verskoning gevra - tot nou nog niks van sy kant nie. Ons leef nou in vertroue in ons "huiskerk", hy is medies ongekik met depressie. Wie was reg. As die kerke debat kon voer met die gewone lidmate (nie die aan die halsband geleide kerkraad) sou hulle sekerlik al teen die tyd geweet het hoekom hulle so sukkel om die geldkoffers en kerke vol te hou. Die wat nog daar is!

schalk
11th April 2012, 13:46
Ja-nee ou Kobus as dit maar n debatsvereniging was sou ek waarskynlik belangestel het om weer aan te sluit!:sleep: