PDA

View Full Version : My Seun



Die Vrou
2nd November 2010, 07:25
MY SEUN

Vanaand was jou witkoppie
nat van my trane
Terwyl jy skaterlag
het ek binne gebreek vir jou
Ek het gehuil vir jou, my seuntjie
omdat hierdie węreld wreed is
So baie seerkry hou hy nog vir jou in
Kon ek nie tog maar in jou plek
dit alles verduur nie?
Ek sien jou volmaakte klein vingertjies
en wonder watter werk wag eendag vir hulle;
Ek sien jou laggende blou ogies
en ek wonder - watter seer sal hulle nog moet aanskou?
Ek sien jou pragtige voetjies en wonder
waarheen sal jou paaie jou nog lei?
Mag die Here my help
om jou sover moontlik
na die beste van my vermoë
in die lewe te help
Mag Hy keer dat ek
jou onnodige seer toedien,
en probeer om jou
buffer teen die wrede węreld te kan wees
Mag Hy jou veilig in Sy hande hou, my seun...