Page 2 of 2 FirstFirst 12
Results 11 to 19 of 19

Thread: Aanval op 'n boereplaas - wat beleef word

  1. #11
    Member Carel van Heerden's Avatar
    Join Date
    Oct 2008
    Location
    Amsterdam
    Posts
    251
    Total Downloaded
    0
    Rep Power
    46

    Default Re: Aanval op 'n boereplaas - wat beleef word

    Die plasing van Dawie Roodt se skrywe op hierdie draad word gedoen om bepaalde redes. Enkele van dié redes is as volg:

    • Die roof/aanval kan met enige iemand gebeur – skelms het nie voorkeure nie solank dit net vir hulle voordele inhou. Hierdie voordele kan finansieel, vergelding en selfs polities van aard wees.
    • Dit is hoogs onwaarskynlik dat so ‘n roof/aanval sal plaasvind indien daar nie “binne” inligting beskikbaar is nie.
    • Dié voorval beklemtoon weer die feit dat ‘n mens jou omgewing fyner moet waarneem en jou kom en gaan deurlopend afwissel. Geen roetine moet deurlopend gevolg word nie.
    • Voor ‘n roof/aanval plaasvind word die huis en gewoontes van die inwoners lank gemonitor. Dit kan selfs langer as ‘n maand duur. Tydens hierdie tydperk word alle veranderinge en moonlike wysigings van rotienes aan die “waarnemers” deurgegee – binne inligting. Sou jy aandui dat jy die naweek weggaan, is dit waardevolle inligting vir ‘n rower.
    • Die waarnemers deel die rowers mee hoe die huis binne lyk, waar die kluis is, of daar geld in is ensomeer. Hierdie inligting word aan die rowers bekend gemaak deur bepaalde tekens te pak. Gewoonlik is drie partye ter sprake. Die persoon wat die inligting verskaf (eintlik verkoop), die waarnemers en dan die rowers self. Die vergoeding van elke party word deur onderhandeling ooreengekom.


    Sou Dawie Roodt bewus gewees het van hierdie werkwyse en net ‘n bietjie kennis gehad het oor hulle aanwending van “tekens” sou hy hierdie gebeurtenis maklik kon vermy. Om hierdie stelling te motiveer sal ek later die sluier oor hierdie onbekende werkwyse ietwat lig.

    Die artikel van Dawie Roodt kan hier onder gelees word.

    Groetnis.

    Carel


    Dawie Roodt.

    Ons het almal ons vrese en die vrees vir persoonlike benadeling is seker die grootste vrees vir die meeste van ons – beslis vir my. My grootste vrees is om terselfdertyd gekonfronteer te word deur my twee oorheersende vrese: die vrees vir persoonlike benadeling en die vrees vir benadeling van my geliefdes. My grootste vrees is nie vir moontlike besering as sulks nie, maar die vrees om te moet kies tussen hierdie twee vrese. Indien dit ooit gebeur, sal ek meer vrees vir my eie lewe of sal ek meer vrees vir die lewens van my geliefdes?

    Ek het uitgevind.

    Minder as twee weke gelede was ek besig om in my studeerkamer by die huis te werk. My vrou was besig om ons tweeling van twee te bad en ons oudste dogter was op pad huis toe van universiteit af. Dit was omtrent half-agt op ‘n koue wintersaand.

    My dogter het in die deur van my studeerkamer verskyn, sonder dat ek veel notisie geneem het en anders as gewoonlik wanneer sy normaalweg ‘hallo pappa’ sę, het sy net gesę ’pappa’. Haar vreemde stemtoon het my laat opkyk. Langs haar was ? jong man – jonk, haar ouderdom – wat subtiel vir my die rewolwer in sy hand gewys het. Daar was drie. Hulle het in die motorhuis vir haar gewag.

    My dogter het na my gekyk vir leiding – my pragtige, slim dogtertjie – ek het haar gesien. En vir ? oomblik het ek ook die toekoms van hierdie land langs haar sien staan; jonk, arm, ongeskoold, ongeskik vir werk en gewelddadig; die wrakhout en uitskot van ? gemeenskap wat gefaal het.

    Ons beproewing het begin.

    Aanvanklik het nie baie gebeur nie. Ons is aangesę om stil te bly, ons is vasgebind, ons monde is toegebind, ons is geblinddoek; ons was goeie gyselaars. Nadat ons vasgemaak is, het hulle beurte gemaak om op hul tyd ons huis deur te soek en die maklike goed bymekaar te maak: selfone, skootrekenaars – daardie soort goed. Nou en dan sou hulle vra vir ‘’the guns’’, ‘’the money’’ en ‘’the safe’’. Mettertyd was hierdie vrae meer dikwels en intens. ‘’We will ask the babies where the money is!’’Dit sou ? lang nag word …

    Die krag het afgegaan, hulle laat skrik. Die vraestellery het dringender geword, ‘’where’s the money?’’; die dreigemente duideliker, die rondstampery gewelddadiger. My tyd het gekom, ek moes my vrees kies.

    Ek het die een met die mes oortuig dat ek geld in my motor het, as hy my sou toelaat om hom te wys. Uiteindelik het hy my buitentoe geneem. Hy het gesukkel om die motorhuisdeur oop te maak. Ek het die babas hoor huil.

    Ek het daarin geslaag om my hande los te kry. Ek het daar gestaan, met my hande los, maar agter my rug. My tyd was nou; kies jou vrees nou op hierdie oomblik en lewe dan daarmee saam! Die regte oomblik kom. Ek val hom aan, ek slaan hom, ek hou hom vas terwyl hy probeer wegkom, ek baklei vir wat myne is – ek kies die groter vrees.

    Hy kreun terwyl hy probeer om uit my greep te kom, kap my arm, sny deur spiere, senings en veroorsaak ‘n breë wond op my kop. Hy kom los uit my greep, maar nie uit sy vrees nie. Hy hardloop skreeuend weg van ? gewonde man; van nou af sal ek sy nemesis wees. Maar ek het die groter vrees gekies en oorwin.

    Ek deel hierdie nie omdat ek ? held is nie. ? Held sou vroeër opgetree het, suksesvoller, presieser, akkurater. Ek deel hierdie omdat ek ? keuse gemaak het en ek weet dat ons ? keuse moet maak. Die tyd om ons vrees te kies is nou in belang van ons land. Ek daag jou uit om jou vrees te kies.

    Baie vrese het daardie aand vir my voorgelę. Sommige vrese het ek gekies, ander is vir my gekies. Ek het gehardloop om hulp te soek. My bure het dadelik op my alarm gereageer. Ek het teruggehardloop, weer oor die muur, weer oor die brug, by die stoeptrappies op, net om by ons voordeur ineen te stort toe ek my gesin sien; ek is gered, maar my liggaam was besig om te veel bloed te verloor!

    My dogter was die held, omdat sy my betyds by die hospitaal gekry het in haar motor. Ons tuinier, ook ? held, het beskerm en gehelp waar hy kon. Ons bure het my gesin ingeneem. Ek is hospitaal toe geneem terwyl ek in my eie bloed lę en elke nou en dan my bewussyn verloor. Die hospitaalpersoneel was absoluut wonderlik. Die noodprosedure het soos ? droom gewerk. Goed-geoliede ratte, bekwame hande, goedhartige oë.

    Ek het gedink, ‘’waarom sou enige regering selfs daaraan dink om dit te verander na die manier waarop die staat mediese ondersteuning verskaf?’’. ‘’Waarom verander hulle nie liewer die staat se mediese stelsel na wat ek ondervind het nie?” Ek weet ek wil nie deel wees van die nasionale gesondheidsplan nie. Ek weet dit gaan net weer nog ? ramp wees! Net soos Eskom, SAA of PetroSA en soveel meer.

    Nog vrees en pyn; ? kateter, ? vrou – toevallig ? swart vrou – wat my saggies was terwyl ek daar lę in my nederige naaktheid. Maar ek is gered en my gesin ook. ? Paar dae in intensiewe sorg, ? paar uur in die teater, baie eenhede bloed en absolute oorweldigende ondersteuning van almal in Suid-Afrika, voordat ek huis toe is. Baie dankie! Thank you! Nkosi!

    Hulle sę rehabilitasie sal tot ? jaar duur.

    Dag twee by die huis en die proses om ons lewens weer aanmekaar te sit, begin. Selfone; ‘Meneer, jy moet self inkom, dis die wet, dis vir jou eie beskerming’! Ure later, stapels papiervorms en die selfoonmaatskappy wat deur die regering gelisensieer is, kan ons nie in verbinding met die buitewęreld kry nie. Nog vorms,’vir jou beskerming, meneer’; met al hierdie wette en regulasies wat veronderstel is om ons te beskerm, waarom is dit so moeilik om ons gesteelde fone terug te kry?

    Ek sien op daarna om die krakende burokrasie aan te pak, om nuwe bestuurderslisensies te kry. Ek weet van onbekwaamheid, die onsubtiele skimpe vir omkoopgeld, die arrogantheid van die ‘’staatsdiens’’.

    Al my vriende vra, ‘’sal jy weggaan?’’ Eers het ek nie geweet wat om te doen nie, maar nou weet ek. Ek sal nie gaan nie! Ek sal die groter vrees kies. Daardie aand het ek die bose gesien; maar ek het net soveel gesien wat goed is in hierdie land; my bure, my vriende, sakevennote, die hospitaal, almal – almal! – was net wonderlik; hoe kan ek my mense los, my mense vir wie ek moet bedank vir my lewe? As ons die goeie teen die slegte opweeg, sal die goeie veelvuldig meer wees as die bose; dit maak dit makliker wanneer jy jou vrees kies.

    As ekonoom weet ek wat die syfers vir ons sę, maar ek kan dit letterlik ook in my gebeente voel. Ek kan sien hoe hierdie land stadig versleg, hoe ons instellings onteer word met net ? paar wat staande bly, hoe ons staatsondernemings verwoes word deur onbekwaamheid, met ‘n enorme uitwerking op die ekonomie. Ek kan sien hoe korrupsie, nepotisme, baantjies-vir-boeties, onbekwaamheid en swak leierskap hierdie land lei na ekonomiese stagnasie, werkloosheid, armoede, chaos en die uiteindelike onvermydelike gevolg: die sinkput van ? gefaalde staat waaruit selfs die kankerselle wat dit veroorsaak het, nie kan ontsnap nie.

    Daardie aand het ek aanvaar dat ek beroof, geslaan, gesny en selfs meer aangedoen word, net soos ek aanvaar dat ons land geslaan en beroof word. Maar dan, daardie aand, het ek ‘n drumpel bereik, ‘n afsnypunt, waar ek geweier het om langer so behandel te word. Ek glo my optrede het die toekoms van my gesin tot hul voordeel verbeter. Ons kan besluit om dieselfde vir die toekoms van ons land te doen. Ek daag jou uit!

    Asseblief: Ek staan nie geweld voor nie. Ek weet nie eens of dit die regte ding was om die indringer aan te val nie. Maar as ek in staat was om my grootste vrees te kies, weet ek dat ek die toekoms vir my gesin en my land kan verander; maar ons moet dit saam doen!

    Ek is nie meer bang nie, ek het my landgenote in aksie gesien. Ek het hul bekwaamheid gesien, hul goedhartigheid en hul sorg. Ek het hul doeltreffendheid, hul uitsette, hul gees gesien en ervaar. Ek weet ek kan op hulle vertrou.

    Dit is wat moet gebeur: vergeet van die NOP, NDR, IBAP en ander afkortings wat in elk geval nie ingestel word nie. Net drie stappe is nodig.

    Begin ‘n proses waarin alle staatsamptenare, (ondernemings in staatsbesit ingesluit) weer vir hul werk moet aansoek doen. En voortaan word mense net op meriete aangestel en nie op grond van kontakte, gunste, sosiale vereistes nie; net meriete.
    Vestig dadelik ‘n węreldklas-stelsel vir vaardigheidsontwikkeling (onderwys) om ‘n groeiende en florerende ekonomie te ondersteun.
    Verwyder alle hindernisse vir indiensneming. Moenie “werk skep” nie, maar hou op om mense wat gewillig is om te werk, te keer om hul eie werk te skep.

    Moenie my vertel dit is nie moontlik nie, dit is al voorheen gedoen. Die heel eerste stap sal egter vir ons almal wees om ons politieke leiers in hul ampte verantwoordelik te hou om te doen wat nodig is. Politieke leiers wat hul eie grootste vrees sal kies.

    Kom ons staan op. Kom ons loop saam. Kom ons mobiliseer en weier om misdade te pleeg, om geďntimideer te word, om om te koop, om korrupte leiers te ondersteun. Kom ons staan daardie kankeragtige selle teen!

    Kom ons kies die groter vrees omdat ons Suid-Afrikaners is.
    [SIGPIC][/SIGPIC]

  2. #12
    Member Carel van Heerden's Avatar
    Join Date
    Oct 2008
    Location
    Amsterdam
    Posts
    251
    Total Downloaded
    0
    Rep Power
    46

    Default Re: Aanval op 'n boereplaas - wat beleef word

    Enige aanval of roof wat beplan word, word deur middel van ‘n aandagtrekker voorafgegaan. Of dit ‘n plaasaanval/roof of ‘n beplande aanval/roof op ‘n plot of by ‘n huis is, die werkwyse bly dieselfde. Die aandagtrekker word so geplaas dat dit van die pad af sigbaar is. Die plasing daarvan is gewoonlik hoër as die padoppervlakte en is duidelik sigbaar. Die grootte daarvan mag verskil. Dit kan op ‘n skuinste langs die pad, in ‘n boom of teen ‘n heining/muur aangebring word.

    Die onderste foto wys so ‘n teken. Aanvanklik het dié bepaalde plastieksak vir etlike weke naby ‘n groep gemors gelę. Op ‘n dag verander die sak se voorkoms. Dit is ingebind om die voorkoms van ‘n strikdas te gee. Die voorkoms van gemors het verander na ‘n betekenisvolle teken wat beteken daar is BAIE KOS. Omdat die teken naby ‘n “RDP” woonbuurt geleë is het ek die foto uit die voertuig geneem om nie aandag te trek nie.




    Nou moes die kante van die pad veral dop gehou word om te sien wat die beplanning is en op wie dit van toepassing gaan wees.

    Groetnis.

    Carel.
    Last edited by Carel van Heerden; 24th August 2015 at 20:30.
    [SIGPIC][/SIGPIC]

  3. #13
    Member Carel van Heerden's Avatar
    Join Date
    Oct 2008
    Location
    Amsterdam
    Posts
    251
    Total Downloaded
    0
    Rep Power
    46

    Default Re: Aanval op 'n boereplaas - wat beleef word

    Ongeveer ‘n week later is die volgende langs die pad waargeneem. Die “gemors” het aan die linkerkant van die pad gelę in die rigting van die plaas. Die groepering van die gemors kon die indruk skep dat kinders daar gespeel het. Indien u na links kyk, in die skaduwee van die voertuig, sal u ‘n groepering van klippe opmerk. Laasgenoemde het egter bevestig dat die oplossing van die “BAIE KOS” hier verduidelik sal word.


    Groetnis.

    Carel.
    Last edited by Carel van Heerden; 24th August 2015 at 20:28.
    [SIGPIC][/SIGPIC]

  4. #14
    Member Carel van Heerden's Avatar
    Join Date
    Oct 2008
    Location
    Amsterdam
    Posts
    251
    Total Downloaded
    0
    Rep Power
    46

    Default Re: Aanval op 'n boereplaas - wat beleef word

    Die volgende foto’s is nou in die (regte) rigting van die plaas geneem. Vervolgens eers die klippies. Is dit nie vreemd dat klippies in so ‘n groepering langs ‘n pad voorkom nie?

    Vir die ongeoefende oog sal dit nie veel beteken nie.

    Dit “groepering” van gemors – foto hieronder, lyk nogal asof kinders daar kon sit en speel. Die blote feit dat dit ongeveer 400m na die aandagtrekker “geplaas” is en gevolglik te vęr weg is van die woonbuurt, dui daarop dat dit daar is om ‘n ander doel te dien.


    Wanneer u na die klippies en die “speelgoed” kyk, sou dit vir u iets beteken?

    Groetnis.

    Carel
    [SIGPIC][/SIGPIC]

  5. #15
    Member Carel van Heerden's Avatar
    Join Date
    Oct 2008
    Location
    Amsterdam
    Posts
    251
    Total Downloaded
    0
    Rep Power
    46

    Default Re: Aanval op 'n boereplaas - wat beleef word

    Wanneer mens na die klippe kyk in die rigting van die pad soos dit verder af gaan, verby die uitdraaipad na die woonhuis, dan kan die pak daarvan beter vertolk word.

    Die werkwyse wat gevolg word is om die foto’s te neem, afdrukke daarvan aan my seun te stuur wat dit dan weer op sy beurt vertolk. Sy vertolking word aan my gestuur en notas word dan vergelyk. (Moet sę sy vertolking is beter as myne).

    Die foto hieronder - met die kolle op die klippe - dui die dag, datum en tyd van die aanval/rooftog aan aan asook die rigting vanwaar hulle sal kom. Om dit te kan weet gaan ek verduidelik hoe dit werk. Die klippe met die rooi kol op is almal omtrent ewe groot en is in ‘n sirkel gepak. Die een met die groen kol is heelwat kleiner. Omdat dié klippe groter is as al die ander, dui dit die dag van die week aan. Hulle begin altyd van ‘n Sondag af te tel – soos die meeste almanakke is dit dan vir hulle ook die eerste dag van die week. Wanneer die ewegroot klippe getel word is daar ses (6). As jy dus by Sondag begin tel kry jy Sondag tot by Vrydag wat die sesde dag van die week is. Die kleiner, groen gemerkte klippie, is nie deel van die week nie en dui die tyd in ure aan. Hulle tref nie onderskeid tussen dag en nag (vm of nm) nie – dit word bespreek. Die datum is die klippies met geel gemerk. Weereens is hulle ongeveer ewe groot maar kleiner as die rooi gemerkte klippies. Dié klippies dui die datum aan, met ander woorde daar is vier (4) wat beteken hulle beplande aanval/roof sal op die 4de van ‘n maand plaasvind. Nou hoe word die maand bepaal? Om dit uit te vind moet ‘n mens ‘n almanak gebruik. Dié datum sal in ‘n toekomstige maand geskied vandat die “tekens” uitgepak is. Dit is nou Augustus maand 2015. Die vierde dag van Augustus val op ‘n Dinsdag. Al was die tekens aan die einde van Julie uitgepak kan die aanval nie in Augustus 2015 plaasvind nie. Kyk ‘n mens egter na September, word gesien dat die vierde September op ‘n Vrydag val en dat die aanval die middag om 1 uur of in die nag om 1 uur kan plaasvind.

    Nou watter 1 uur is relevant? Op Vrydae is my vrou om 1nm by die huis terwyl haar tuiskoms op ander weeksdae eers om 1:30 nm. plaasvind. Dit is ook gewoonlik die tyd wat ons saam middagete geniet. Somtyds egter gaan ons direk “dorp” toe. Vrydagaande is ‘n mens gewoonlik moeg na ‘n week se werk en die moontlikheid bestaan dat ‘n mens baie vas kan slaap. Om meer inligting oor die betrokke uur te verkry sal ‘n mens na die ander “speelgoed” moet gaan kyk.

    Die blou lyn en drie sirkels verteenwoordig wel ‘n “kettie”. Die pyl se rigting gaan oor die pad die veld in en dit is dan juis die rigting waaruit hulle sal kom vir die aanval/roof. Dit beteken verder dat hulle te voet gaan kom en nie per pad nie. Dit moet egter nog bevestig word.

    Interessant, ongeveer dieselfde tyd verlede jaar het 'n groot “aanval” misluk. Hulle wag gewoonlik ‘n jaar vordat hulle weer toeslaan. Die slegte nuus is dat hulle sal voortgaan totdat hulle suksesvol is.





    Groetnis.

    Carel
    Last edited by Carel van Heerden; 26th August 2015 at 23:59.
    [SIGPIC][/SIGPIC]

  6. #16
    Member Carel van Heerden's Avatar
    Join Date
    Oct 2008
    Location
    Amsterdam
    Posts
    251
    Total Downloaded
    0
    Rep Power
    46

    Default Re: Aanval op 'n boereplaas - wat beleef word

    Kyk ‘n mens na die “speelgoed”, dan raak dit interessant.

    Die stok in rooi omkring. Dit word genoem ‘n hek, of dan ‘n beginpunt. Die lengte van die stok is gewoonlik 70cm lank en dit dui gevolglik die lengte van jou tree aan wat jy moet loop om die volgende “teken” te kry. Anders gestel: dit is die treelengtes waarmee die roete gevolg word vir die beplande roof/aanval. Hierdie hek bevestig dat hulle deur die veld gaan beweeg en dat dit geloop en nie gery gaan word nie. Die stok is ongeveer 2 kilometer weg van die plaasopstal. Die geel lyn parallel met die lengte van die stok wys verder met die pad af aan en is nie van toepassing nie. Omdat die stok (hek) egter dwars lę beteken dit “dat deur die hek gegaan moet woet word”.

    In die geel sirkel is daar 2 klippe. ‘n Geel lyn is getrek van die punt van die stok vanaf ‘n klip wat daar lę. Die drie klppee vorm ‘n reguit lyn. Hierdie lyn dui die rigting aan waarheen gestap moet word met treelengtes wat ooreenstem met die lengte van die stok. Dit sal hulle by die volgende teken bring.

    Wit plastiek lepels. Wit beteken kos. ‘n Lepel (wit) wat met die oopkant na bo lę beteken dat hulle alreeds eet. Die twee lepels wat met die oopkant na onder lę dui aan dat daar nie nou kos is nie. Nou wat het hulle al ge-eet? Hoenders het uit die hok verdwyn en ‘n skape is al gesteel. Die plekke waar hulle steel se “bewyse” het ek by vorige tekens gekry en die skuiwergate geblokeer. Die twee onderstebo lepels dui gevolglik aan dat hulle beplan om weer te steel (kos). So iewers het hulle waarskynlik ‘n nuwe “gaping” gevind om kos te steel. As die lepels wonderbaarlik omdop sodat die skepkant bo is beteken dit daai planne in werking is.



    [SIGPIC][/SIGPIC]

  7. #17
    Member Carel van Heerden's Avatar
    Join Date
    Oct 2008
    Location
    Amsterdam
    Posts
    251
    Total Downloaded
    0
    Rep Power
    46

    Default Re: Aanval op 'n boereplaas - wat beleef word

    Die deursigtige bottel met sand in (sien blou pyl op foto): Wanneer die bottel vol sand gemaak word, beteken dit springstof/ plofstof. Wanneer die bottel halfvol sand gemaak is, soos op die foto, beteken dit dat die teiken ’n baie moeilike mens is. Nou daar is sommer so in die “gemors” een van my karaktertrekke bekend gestel. Is dit waar? Ek is bevrees die antwoord is ja. Sedert die vorige mislukte aanval het ek geen nonsens meer verdra nie. Die handlangers van die hoofbron is na sy ontslag aan die kaak gestel en het hulle met verloop van tyd hulle werk verloor. Lyk egter nie of dit die ander afgeskrik het nie.

    Nou weer ‘n interessantheid. Die silwer blikke, die koppies en van die loslę bottels dui bepaalde apekte op die plaaswerf aan. Die plaaswerf is ongeveer 2 tot 3 Ha groot. Ek gaan nie alles bespreek nie en dui slegs die belangrikste aan. Die silwer blik heel regs verteenwoordig die werkswinkel met kantoor wat daaraan gekoppel en waarin die kluis voorkom. Kluis = geld. Silwer is die kleur wat hulle gebruik om geld aan te dui. Let op na die rooi Lego blokkie. Rooi dui op gevaar. Aan daardie gedeelte van die werkswinkel is staal traliehekke met ‘n groot opskuif deur verder na binne . Dit is waar ek gewoonlik uitkom en dit verleen ook vinnige toegang tot die werf waar die kos is naamlik die hoenderhokke, bok-kamp, skaapkraal en varkhokke. Dit is dus ‘n plek waaruit maklik geskiet kan word en is dus gevaarlik. Meer nog so omdat ek ‘n moeilike mens is.

    Die silwer blikke dui op geld en van hulle het sand in. Bo-op die sand word ‘n klein blaartjie aangetref. Dit beteken die kos is in “gate” of hokke of kampe – m.a.w hulle is toegemaak en toegang moet verkry word.

    Die groen pyl dui op ‘n meer kommerwekkende aspek. Dit is ‘n kiwi swart politoerblikkie se deksel. Dit is met sand begrawe sodat ‘n halwe boog of sirkel (swart) sigbaar is, parallel met die geel pyl (roete aanduider). Die betekenis is dat die man moet dood. Aan die bokant van die linkerkanste blou pyl is die onderste gedeelte van die blikkie. Die boog sigbaar is na links wat beteken die vrou moet dood. Bietjie onseker oor hierdie een aangesien die blikke redelik hoog uitgelig is aan die linkerkant.

    Die heel linkerkanste blik met die sousbonepapier daarop geplaas het twee betekenisse. Die kleur oranje beteken die aanvaller/rower moet fyn kyk – goed konsentreer. Dit is waar ‘n infrarooi kamera geplaas is! Die kombinasie van oranje en wit (kyk links van die oranje) beteken dat hulle moet mooi kyk, die roete gaan in die veld in.

    Daar is nog baie “geskrywe”. Gaan egter volstaan met dié inligting. Waarheen wys die geel pyl wat ‘n lyn vorm na aanleiding van die drie klippies?
    [SIGPIC][/SIGPIC]

  8. #18
    Member Carel van Heerden's Avatar
    Join Date
    Oct 2008
    Location
    Amsterdam
    Posts
    251
    Total Downloaded
    0
    Rep Power
    46

    Default Re: Aanval op 'n boereplaas - wat beleef word

    Indien ‘n mens so in die pad gaan staan dat die drie klippies in ‘n reguit lyn lę (geel dwars lyn) en jy kyk in die rigting wat aangedui word sien jy die volgende.

    ‘n Sementsak wat van nęrens teen die draad opgeklim en homself so geheg het dat die sterkste wind hom nie maklik sal afwaai nie. Dit opself sigself behoort ‘n mens alreeds laat wonder oor wat aangaan. Dit is ‘n aanduider waar daar deur die lyndraad gegaan moet word om die res van die roete te kan volg.

    Weer ‘n paar interessanthede. Die veld in die agtergrond is gebrand. Daar is verskeie redes wat daarvoor aangegee kan word. Die mees relavante een vir my is dat dit as voorbereiding gedien het het vir die aanval/rooftog. Omdat dit nou duidelik blyk dat dit ‘n voetroete is wil hulle optimale sigbaarheid bewerkstellig. Aanvanklik is aangedui dat die tyd 1 uur die middag of een uur in die nag kan wees. Die veld is weke voor die tyd aan die brand gesteek, natuurlik altyd wanneer die wind sterk waai en dan ook in die rigting wat hulle wil beweeg en dan natuurlik ook waar hulle “ontsnap” roete beplan is. Daar is dus voldoende aanduiding dat hierdie ‘n nagaanval sal wees. Om dit verder te bevestig moet ‘n mens na die stand van die maan gaan kyk. Die 28 ste Augustus is dit volmaan. ‘n Week later kom die maan eers om 23:56 op en gaan10:20 ( Rise: 23:56; Moon Set: 10:20) onder. Hulle sal dus voldoende lig beskikbaar hę om hulle planne ten uitvoer te bring. Indien hulle in die dag (middag) sou wou roof/aanval gaan hulle te opsigtelik wees. Daar is werkers aan diens en ander mense kan hulle maklik sien en selfs herken.

    Met die beplande roof/aanval ‘n week weg, wat doen ‘n mens? Natuurlik is daar baie wat gedoen kan word. Die antwoord hierop lę somtyds opgesluit in die mees eenvoudigste oplossing. Verander jou daaglikse roetine en aangesien jy weet wat beplan word verander omstandighede sodanig dat hulle onseker raak oor die suksesvolle uitkoms van hulle plan.

    Kom ek gee ‘n eenvoudige voorbeeld. Die werkers ‘n tyd gelede bymekaar geroep en aangedui dat my seun en skoonseun die bepaalde naweek kom kuier om bietjie skietoefening te kom kry. Hulle kan waarskynlik die Donderdag al hier wees maar verseker dié Vrydag en die res van die naweek. So indien hulle skote hoor moet hulle nie bekommerd wees nie. Verder is kameras verskuif en “nuwes” aangebring op al die toepaslike steelplekke. Wat hulle nie weet nie is dat dit ou kameras is en dat hulle nie gekoppel is nie. Ek het ‘n lugdraad by elkeen aangebring en verduidelik dat hierdie kameras nie kabels nodig het nie. Wat het gebeur? Die volgende foto spreek boekdele.

    Verstrengel, onderaan die sementsak het die karkas van ‘n dooie kiewiet verskyn. Dit beteken eenvoudig dat die aanval/rooftog af is en dat hulle my nog sal kry. Die “netjies” gepakte speelgoed is later op ‘n hoop geskop en die aandagtrekker het vandag verdwyn.

    Uiteraard is daar baie wat ek nie genoem het nie. Aspekte soos hoe onderhandel word oor jou besittings – in die geval kos – watter tekens op die werf uitgepak word ensomeer. Dat hulle ‘n baie sterk vermoede het dat ek hulle tekens kan lees bestaan aangesien die tekens soos datum en tyd onder andere al verder weg van die huis af verskuif word en minder opvallend geplaas word.

    Hierdie gebruik van hulle noem ek die onbekende faktor. Die rede dat mense nie die tekens kan vertolk nie veroorsaak ook dat hulle nie weet wanneer hulle beroof of aangeval gaan word nie. Die roof/aanval is vir hulle onbekend en dit plaas die verassingselement in die guns van die aanvaller. Indien ‘n mens al so ‘n ietse daarvan weet word die verassingselement verskuif in die guns van die potensiële slagoffer.

    Ter afsluiting net enkele opmerkings:

    • Nie alle gemors is tekens nie. Daar is sekere vereistes waaraan voldoen moet word.
    • Inligting word van binne (werkers) voorsien. Al lyk ‘n person hoe betroubaar, wees maar katvoet. Hulle kan afgepers word.

    My skoonpa het dié wysheid verkondig: As jy iemand in diens wil neem vra dat hy/sy hulle handpalms vir jou wys. Indien daar hare op voorkom dan steel hulle nie. Met die stukkie wysheid van die grysheid vertrou ek dat die sluier wat effens gelig is, vir u ‘n ander aspek van roof en aanvalle beklemtoon het.

    Groetnis.

    Carel.
    [SIGPIC][/SIGPIC]

  9. #19
    Member Carel van Heerden's Avatar
    Join Date
    Oct 2008
    Location
    Amsterdam
    Posts
    251
    Total Downloaded
    0
    Rep Power
    46

    Default Re: Aanval op 'n boereplaas - wat beleef word

    Die foto's wat verwyder is, is gedoen aangesien ek met die plasing daarvan nie besef het dat dit op Google gekry kan word nie. Dit is sensitiewe inligting en dit was my mening dat dit nie deur "ander" op 'n webwerf soos Wendag gesien sal word nie.

    Elke jaar verskyn daar nuwe tekens wat deur misdadigers daargestel word. Meer so indien hulle bewus is dat die "boodskap" deur die verkeerde persone gelees kan word. So byvoorbeeld is van die tekens wat vertoon is nog nie aan ons bekend nie.

    Ek vra om verskoning vir hierdie ongerief maar vertrou dat u sal verstaan.

    Groetnis.

    Carel
    [SIGPIC][/SIGPIC]

Similar Threads

  1. Replies: 0
    Last Post: 9th January 2012, 17:48
  2. Om gedoop te word
    By Silencio in forum Humor
    Replies: 1
    Last Post: 29th November 2010, 21:34
  3. Die VVK se plan wat verdoesel word.
    By Boerland in forum Nuus
    Replies: 0
    Last Post: 25th October 2010, 20:09
  4. Replies: 2
    Last Post: 24th October 2010, 22:12
  5. Hoe word die Christendom verstaan?
    By nieuwoudtrl in forum Kletshoekie
    Replies: 2
    Last Post: 19th December 2008, 20:06

Bookmarks

Bookmarks

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •