Results 1 to 9 of 9

Thread: Baie Vrae

  1. #1

    Default Baie Vrae

    Naand almal

    Ek het so paar keer die webwerf besoek en gevind dat dit dinge kompliseer en soms net my kop seer maak. Meestal omdat wat ek glo nog nooit bevraagteken was nie en wat hier genoem word volksvreemd voorkom. Maar tog trek my soeke na wysheid en insig my terug en raak die vrae meer.

    Ek hoop om 'n paar antwoorde te kry nie net in woorde nie maar ook in die leemtes tussen wat ek verstaan as reg en verkeerd in my binneste.

    Ek wil nie voorgee om enigeiets te weet nie, maar ook nie om enige iets te aanvaar nie net omdat dit die oorweldige meerderheid se opienie is nie. So in die eerste stappie na my soeke vir waarheid sal ek met stillte en geduld beweeg onder almal en my opinie lig nie om my eie woord te verewig nie, maar in die hoop dat dit ander ook sal help.

    Vir eers Groete vir nou

    Trompie

  2. #2
    Mod knipmes's Avatar
    Join Date
    Feb 2007
    Location
    Polokwane
    Age
    56
    Posts
    652
    Blog Entries
    7
    Rep Power
    52

    Default Re: Baie Vrae

    Trompie,

    Welkom hier by ons. Hier is elkeen se siening en opinie met opregtheid aanvaarbaar en word daar glad nie geoordeel soos in die wereld daar buite nie!

    Ons kyk graag uit na jou bydraes, daar is baie te leer van almal... Hou van jou skuilnaam, vermoed jy gaan seker die "bende" stig hier op die werf? Onthou net ons ou hande is handig met 'n sambok... of wat praat ek als?

    groetnis
    knipmes

    O ja, pasop vir Stefanus... hy is vier keer groter as ekke...

  3. #3

    Default Re: Baie Vrae

    Hallo Trompie! Baie welkom by ons... hoop dit gaan vir jou 'n aangename ervaring wees, soos vir ons! Gemeet aan jou heel eerste pos, is ek seker ons kan uitsien na aangename geselsies vorentoe.

    Vriendelike groete,
    Vicky
    I am a child of Earth and starry Heaven;
    But my race is of Heaven alone"

  4. #4
    Stefanus's Avatar
    Join Date
    Jan 2007
    Location
    Bloemfontein
    Age
    55
    Posts
    1,323
    Blog Entries
    1
    Rep Power
    10

    Default Re: Baie Vrae

    Welkom by ons Trompie,

    "Baie Vrae" is tog waaroor dit gaan, niemand van ons het insig tot die "volle waarheid" nie, daar is tog leidrade wat ons kan volg op ons pad sonder om verstrengel te raak.

    Groete,
    Stefanus

  5. #5
    Member Silencio's Avatar
    Join Date
    Oct 2010
    Location
    Bloemfontein
    Age
    37
    Posts
    241
    Rep Power
    32

    Default Re: Baie Vrae

    Hi Trompie, welkom, sien uit daarna om nog baie van jou te hoor! die weg na insig en waarheid en antwoorde op jou vrae, jy is op die regte plek.

    Vriendelike groete
    Silenceio
    Cause and effect applies to us all, consider therefore your thoughts, words and actions carefully.

  6. #6
    Member yeshurun's Avatar
    Join Date
    Jul 2012
    Location
    vanderbijlpark
    Age
    41
    Posts
    15
    Rep Power
    22

    Default

    Quote Originally Posted by Silencio View Post
    Hi Trompie, welkom, sien uit daarna om nog baie van jou te hoor! die weg na insig en waarheid en antwoorde op jou vrae, jy is op die regte plek. Vriendelike groeteSilenceio
    Hoe sal ons weet of ons op die regte pad is? Weet iemand wat verlei word dat hy verlei word? Ons sien maar kry nie insig nie en ons hoor maar verstaan nie want ons herders is verleiers. Kom uit haar uit Israel. Kom uit die kerke van Baal. Daarby wil ek net se dat Baal is n hubreerse woord wat onderandere Die HERE beteken. Gaan soek dit vir jouself op uit die boekeGroete shalomYeshurun

  7. #7
    Mod knipmes's Avatar
    Join Date
    Feb 2007
    Location
    Polokwane
    Age
    56
    Posts
    652
    Blog Entries
    7
    Rep Power
    52

    Default Re: Baie Vrae

    Quote Originally Posted by yeshurun View Post
    ...Kom uit haar uit Israel...
    Yeshurun, net 'n vragie?

    As jou volk Israel is, neem ek aan daar is die twaalf stamme van Israel, reg? Nou onder watter stam val die genetiese dna van die Botha's, die De La Rey's of van die Joubert's?


    Benjamin se stam? Josef s'n? Dis dan Arabierse bloedlyne?

    Kan jy dalk help?








    groetnis
    knipmes

  8. #8
    Stefanus's Avatar
    Join Date
    Jan 2007
    Location
    Bloemfontein
    Age
    55
    Posts
    1,323
    Blog Entries
    1
    Rep Power
    10

    Default Re: Baie Vrae

    Quote Originally Posted by knipmes View Post
    Yeshurun, net 'n vragie?

    Quote Originally Posted by yeshurun
    ...Kom uit haar uit Israel...
    As jou volk Israel is, neem ek aan daar is die twaalf stamme van Israel, reg? Nou onder watter stam val die genetiese dna van die Botha's, die De La Rey's of van die Joubert's?

    My groodste kommer met yeshurun se denke is dat hy nie wetenskaplike feite in ag neem met sy vooropgestelde idee van wie Israel werklik was nie en die werklike Ou Testamenties rolspelers in sy storie ontken, soos met die Lembas, "Kruger se Jode", kom ons kyk wie die mense is:


    In die Noordelike Provinsie, Mpumalanga en Zimbabwe woon daar groepe swart mense met 'n baie sterk tradisie wat mondeling oorgedra is dat hulle nasate is van die Ou-Testamentiese Israeliete. 'n Eeu gelede het pres. Paul Kruger hulle Jode genoem en het hulle bekend geword as "Kruger se Jode". Nou het genetiese toetse getoon dat die Lemba die swart bevolkingsgroep is met die sterks bewese ooreenkoms met Joodse priesterfamilies.

    Die Lemba, vertel mev. Magdel le Roux van die departement Ou Testament en Bybelse Argeologie aan Unisa, bly tussen die Sotho, Venda en Shona en praat die taal van hul gashere, maar bly in verskeie opsigte 'n eksklusiewe groep mense.

    VroeŽre navorsers het selfs in hul voorkoms tekens van hul andersheid opgemerk. Hulle is dikwels langer as ander mense van die omgewing, ligter van gelaatskleur en het soms prominente neuse.

    Le Roux doen onder meer navorsing oor ooreenkomste tussen Ou Testamentiese en Lemba-gebruike en sy noem 'n rits parallelle op.

    Hulle koppel die besnydenis byvoorbeeld aan 'n verbond met God. Daar is 'n priesterlike familie onder hulle en hulle bring diere-offers.

    Hul slag- en eetgewoontes kan in kosjer-terme beskryf word. So weier hulle byvoorbeeld om varkvleis te eet, met die gevolg dat hulle in Zimbabwe ook die Varemba ("mense wat weier") genoem word.

    Daar was lank 'n tradisie dat melk en vleis nie saam gaargemaak mag word nie en vandag nog mag Lembas nie saam met "heidene", soos hulle nie-Lembas noem, eet of hul eet- of kookgerei gebruik nie.

    In die Lembas se gebede kry 'n mens ook die oorblyfsels van 'n taal, Thsilemba, wat hul voorsate gepraat het en wat ooreenkomste toon met onder meer Arabies en Hebreeus. Een so 'n oorgeblyfsel is die woord "amen" waarmee hulle hul gebede afsluit.

    Voorts is daar ook sterk ooreenkomste wat huweliks- en begrafnisgebruike betref en in die feeste vir die insameling van die eerste vrugte, die nuwe maan en die Sabbat.

    Le Roux sÍ hierdie ooreenkomste is egter nog nie bewys dat hulle 'n Semitiese oorsprong het nie.

    Luister 'n mens egter na die mondelinge tradisies onder die Lemba (waaroor Le Roux ook navorsing doen) word die prentjie al hoe interessanter.

    Hulle noem hulself byvoorbeeld "kinders van Abraham", die "uitverkore volk" en die "goeie mense".

    Hulle vertel dat hul voorouers van die stad Sena af kom. 'n Groep mans het eeue gelede deur die "Phusela" getrek (maar hulle weet nie waar of wat die "Phusela" is nie) en toe per boot na Afrika gekom om te kom handel dryf.

    Hier het hulle handelsposte opgerig, maar toe breek daar oorlog in hul land van oorsprong uit en hulle kon nie daarheen terugkeer nie. Vandag nog groet Lemba-mans mekaar met die woord mushavi, wat "handelaar" beteken.

    Hoewel hulle hulle altyd as die meerderes van die plaaslike bevolkingsgroepe beskou het, was hulle toe verplig om "heidene" as vroue te neem.

    Hulle vertel ook van die Ngoma Lungundu, 'n voorouertrom met merkwaardige ooreenkomste met Israel se verbondsark. Dit mag byvoorbeeld nie aan die grond geraak het of deur enigeen aangeraak word nie. Die geluid van die trom het glo 'n verlammende effek op hul vyande gehad.

    Diť geluid was vir hulle die stem van God(Mwari) wat hulle gelei het op hul suidwaartse migrasie deur Afrika. Tydens diť migrasie, vertel die Lemba, het hul voorouers hul tuisstad Sena by meer as een geleentheid herbou.

    Navorsers soos Tudor Parfitt van die School of African and Oriental Studies aan die Universiteit van Londen het hul spoor gevolg en 'n stad met die naam Sena naby die Zambezi gevind. Op 'n antieke kaart van die Portugese seevaarder Vasco da Gama is daar ook 'n gebied gevind wat "die land van die goeie mense" genoem is.

    In sy soektog het Parfitt ook Jemen besoek. Daar is 'n antieke stad met die naam Sena in 'n streek genaamd Hadramout. Parfitt het gevind dat sekere name in die Hadramout ooreenstem met klan- of sibbename van die Lemba in Suider-Afrika.

    Verder staan die kuslyn van Jemen bekend as Phusela of Masela.

    Daar is ook 'n mondelinge tradisie in Jemen dat 'n groep Israelitiese mans Jemen eeue gelede verlaat het op reis na Afrika, maar nooit teruggekeer het nie. Jemenitiese Jode vertel ook dat hul voorsate 42 jaar voor die eerste verwoesting van Israel se tempel in 586 v.C.uit Palestina na Jemen gevlug het.

    Dit alles kan daarop dui dat 'n groep van diť mans Sena verlaat het, deur Phusela en oor die see gereis het om in Afrika handel te dryf en dat dit hul nasate is wat hulle eeue later as die Lemba in Suider-Afrika gevestig het.

    Opsigself is die Lemba se aansprake op 'n Joodse herkoms niks vreemds nie. Op verskeie plekke in die wÍreld is daar groepe wat sÍ hulle het 'n Joodse herkoms. Dit sluit groepe in soos die Ibo in NigeriŽ, die Falasha in EthiopiŽ, mense in Kasjmir en selfs die Chiang-Min op die grens tussen China en Tibet.

    Navorsing op 'n heel ander terrein, die genetika, het egter nuwe moontlikhede geopen om die Lemba se verhaal wetenskaplik te staaf.

    Wetenskaplikes het spesifieke merkers op die Y-chromosoom van mans in die Joodse cohanim-priesterfamilies gevind wat van pa na seun oorgedra word. Omdat diť priesterskap ook net van pa na seun oorgedra kan word, is daar 'n voorkoms van meer as 70%, dalk selfs meer as 80%, van diť merkers onder lede van die families, het die Jerusalem Report vroeŽr vandeesmaand berig.

    Dit dui volgens navorsers op die sterk moontlikheid van 'n gemeenskaplike voorvader, moontlik Ašron.

    Onder ander Jode is die voorkoms daarvan tussen 10% en 14% en onder ander groepe sonder 'n bewese Joodse herkoms was dit konsekwent minder as 5%.

    Parfitt, Le Roux en ander navorsers het monsters van Lembamans geneem en toe dit getoets is, is 'n voorkoms van 8,8% van die cohen-merker gevind en onder die Buba, 'n groep onder die Lemba met 'n priesterlike tradisie en 'n gebruik dat hul dogters net met Lemba-mans mag trou, was die syfer 'n verstommende 53,8%.

    Terwyl dit na 'n merkwaardige bevinding mag lyk, klink prof. M.E.R. Mathiva, voorsitter van die Lemba-kultuurvereniging en afgetrede hoogleraar in tale aan die Universiteit van die Noorde, nie vreeslik opgewonde nie.

    Wat hom betref, is dit niks nuuts nie. Dis bloot 'n bevestiging van 'n oeroue mondelinge tradisie, van feite wat oor geslagte oorgedra is en waaroor hy en sy mense nooit getwyfel het nie.

    Al wat nou gebeur het, sÍ hy, is dat buitestanders daarin belang begin stel het en dit nou op 'n wetenskaplike basis geplaas het.

  9. The Following User Says Thank You to Stefanus For This Useful Post:


  10. #9
    Mod knipmes's Avatar
    Join Date
    Feb 2007
    Location
    Polokwane
    Age
    56
    Posts
    652
    Blog Entries
    7
    Rep Power
    52

    Default Re: Baie Vrae

    Dankie Stefanus, dis baie interessant!

    Dit is dus die afstammelinge van Aaron, en heel moontlik ook die stam waaruit Moses sy swart vrou uit die land van Kus geneem het...?








    groetnis
    knipmes

Similar Threads

  1. Nuwe Vrae
    By UITLANDER in forum Besprekings
    Replies: 3
    Last Post: 31st January 2008, 20:54

Bookmarks

Bookmarks

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •